Page 49 - ЦЕЛИНА

целта на овој однос е да се дисциплинира и регулира
послушноста за да продолжи да владее неправдата. Навиката на
ваквиот општествен однос се пренесува на младата генерација.
Сето тоа е смислено за да не се променат и подобрат
општествените односи или да остане да владее старата вистина.
Иднината се избегнува како тема за разговор. Постојат разни
формални изјави, но иднината не се анализира за да се постигне
решение со кое човекот ќе се здобие со доверба. Новите вести
со негативна содржина се пласираат кај луѓето за да немаат
време да мислат на иднината. Иднината е најважното нешто кое
треба да се осмислува и планира. Човекот треба да ја
размислува и планира иднината за да добие верба која ќе му
донесе спокојство во живеењето.

Зборот напишан и искажан од владетелите бил спроведуван и
користен во општествените односи. Зборот од мудреците бил
отфрлан поради судирот на различните цели кои ги искажувале
мудреците и владетелите.

Организирано општество во целина, со систем кој ќе го вгради
демократскиот дијалектичкиот реализам, е единствен пат за
зближување на народите од целиот свет. Општеството или
целината треба да се усогласуваат и да создаваат еден интерес и
една цел, со кои ќе се добие општа корист, која ќе разоткрие
многу негативни односи што се сметаат денес како добри.
Сомнеж секогаш имало во општествените односи. Сомневањето
е неверување во вистинитоста на нештото, состојбата на сомнеж
создава колебање и мачни мисли. Различните интереси ја
создаваат неискреноста кај човекот. Создавање искреност и
верба кон другиот треба да е наша цел во иднина.

Човекот во целината ќе има ведрина со која ќе добие
самодоверба, веселост и оптимизам, со што ќе завладеат радост
и спокојство.

47