Page 48 - ЦЕЛИНА

Емиграцијата денес е голем проблем за сите луѓе во светот,
решение за овој проблем е во планирана целина која ќе донесе
благосостојба за секого. Човекот во целината ќе се навикне на
добро однесување, независно од географската локација во која
живее.
Незадоволството кое владее денес е резултат од објективни и
субјективни причини, емигрантите одат во други земји за да го
сочуваат својот живот или за подобра егзистенција. Гледајќи ја
целината од овој агол, лесно се препознава логиката на овој
проблем. Денес западните и другите развиени земји примаат
голем број емигранти, се зголемува секојдневно популацијата на
луѓе, и се создава состојба на незадоволство од двете страни. Од
друга страна, земјите или државите од каде доаѓаат емигрантите
секојдневно осиромашуваат и условите за живот се сè полоши.
Логиката на ваквата состојба е жална. Целината како добродетел
ќе донесе изедначување, ќе ја анулира емиграцијата и ќе
создаде задоволни луѓе.

Секоја единка ќе остане во своето родно место ако има надеж за
подобра и сигурна иднина. Денешните општествени односи
создаваат несигурност која предизвикува незадоволство, таквата
состојба создава миграции. Негативните појави во општеството
предизвикани од разни субјективни патолошки цели и лоши
стремежи ќе се намалуваат во организираната целина.

Нереалната надеж и постојан притисок дека утопијата е
неможна за човекот е дел од планираното зло. Секојдневниот
притисок на човекот за повеќе пари, материјални добра или за
основна егзистенција го задушува надевањето на луѓето за
подобра иднина. Луѓето денес немаат време да мислат за убави
работи и добро живеење. Тие мора да плаќаат разни трошоци;
данок на имот, струја, вода, школарина, осигурување за
автомобилот, осигурување на куќата, здравствени услуги и многу
други нешта. Општествениот однос кој владее денес не создава
надеж за иднината. Реалната надеж е притисната од сите страни,

46