Page 54 - ЦЕЛИНА

Манипулациите кои денес се наметнати имаат своја цел, а таа е
несоздавање на целината. Поделена целина е исто како кога се
прави раздор во една фамилија за да ослабее.

Егоизмот, егоистичките нагони кај човекот се пречка која треба
да се совлада со разумно осознавање. Едукацијата и
воспитувањето на младите во целиот свет мора да бидат исти
или идентични, со цел сознанијата да бидат примени во разумот
подеднакво. На тој начин ќе се добијат облагородени погледи на
човечките карактери и однесувања. Егоизмот не е природен
човечки стремеж.

„Егоизмот и неговата суштина лежат во стравот од загуба на
нешто или од губење на положбата во која си подобар од
другите“.
Целината ќе изгради платформа на која егоизмот ќе се намалува.
Во целината алтруизмот ќе надвладее. Општествениот квалитет
во целината ќе завладее и тој ќе биде цел и интерес на сите луѓе
во светот.
Јазикот бил проблем за создавање на целината. Интересот ги
разбира сите јазици. Еден интерес наметнува и еден јазик.

Неформално признаен од целиот свет е англискиот јазик, тоа е
реалност. Таквата состојба наметнува во иднина англискиот јазик
да е официјален во целината. Ова решение е реално и
рационално, од причини што англискиот јазик се користи
насекаде во светот речиси во сите комуникации меѓу луѓето.
Ваквата реалност мора да се признае од целиот свет и со тоа да
добие општествено признавање.

Оние кои покажуваат наклоност кон гневот - нивниот живот не
е вреден да се живее, е релативно точен заклучок искажан од
некои филозофи.

52