Page 44 - ЦЕЛИНА

Општеството досега не поставило цел да се дојде до добро
живеење, главните причини да не се дојде до таква цел треба да
се откриваат и споделуваат.

Човекот секогаш цели кон прогрес и развој, за достигнување на
нешто, слободата во таквото дејствување создава чувство на
задоволство. Ваквите дејствија го задоволуваат човекот.
Создавањето општа корист ја создава и индивидуалната корист.
Слободата на дејствие при кое се создава лична корист
причинува краткотрајно задоволство, но трајна лична корист се
добива само во целината.

Единките се во сооднос, хармонијата во меѓусебните односи
создава задоволни луѓе. Но, општествените односи кои владеат
денес не даваат слобода на креативноста на разумот за
создавање разумни решенија.

Разумот на човекот се преокупира со реални дневни наметнати
проблеми. Опстојувањето и егзистенцијата на човекот се
најважни и тоа влијае на просудувањето во дадениот момент.
Реалноста е релативизирана, нечија цел е наметнување
проблеми во самото живеење во средината или во државата.

Секој човек ја сака својата држава во која живее и егзистира без
разлика дали е сиромашна или богата. Негирањето на целината
е несвесен чин на разумот од разни наметнати нешта чија цел е
разделеност на целината.

Секогаш се наметнуваат прашања или теми чија цел е да се
дисквалифицираат другите, целта е да се зајакнува
нетрпеливоста со другите, таквиот однос ја разделува целината.
Исклучителна наметната волја била намера на владетелите,
таквиот однос создава нетрпеливост и конфликтни состојби.
Денешните општествени односи во светот имаат друга форма, но
суштината е иста.

42