Page 50 - ЦЕЛИНА

Стремеж ќе има и во иднината, но за качување нагоре. Стремеж
кој ќе го гради карактерот на човекот во иднината ќе биде за
општо добро. Стремеж за негативни нешта ќе изумира, затоа што
нема да има основа ниту суштина да постои.

Новата вистина во општествените односи не била секогаш
прифатена. Признавањето на новата вистина било отфрлувано
или се извртувало за да се прифати како изменета вистина.
Губењето на моќта секогаш било болно.

Владеење над некого е израз на нагонот за самоодржување.
Секое владеење над луѓето има за цел добивање материјална
лична корист. Многу филозофи страдале низ историјата, тие биле
затворани и убивани поради кажувањето на вистина.

Колективното живеење во целината ќе дава сигурност како за
единката така и за општеството. Неправдата во целината ќе се
намалува сè до создавањето тотална општествена правдина.

Денес во психата на човекот не постои слика за создавањето
целина, секој мисли дека тоа е за некое идно време, не за
сегашноста. Поминаа 2.400 години од смртта на Платон, а
неговата Атлантида во психата на човекот е само приказна која
никогаш нема да биде реалност. Значи, човекот е преокупиран
со лоши нешта, кои не му даваат да исплива и да ја види
убавината на живеењето.

Поривот или силната желба да се направи промена за подобро и
спокојно живеење се замандалени. Идејата или одразот на
реалноста во нашиот свет како производ на мислењето во
човечката психологија се затворени со векови, ослободувањето
дава простор да се живее подобро и можно е само во целина со
една цел и еден интерес.

Нагонот или инстинктот за качување нагоре човекот генетски го
има во себе, но навиките или традицијата се главна пречка да не
се ослободат негативните страсти.

48