Page 51 - ЦЕЛИНА

Човекот е опкружен со мисли за секојдневните проблеми.
Денешниот систем на општествени односи има своја цел со која
ги навикнува луѓето на денешното живеење. Намерата на
таквото живеење е човекот да оди надолу или да стои на истото
место, тоа е денешната реалност. Одењето надолу има за цел
создавање желба за добивање материјално добро.

Материјалното богатството денес е прва цел на човекот. Ваквата
реалност во општествените односи создава големи неправди и
зла. Неорганизираноста се злоупотребува, таквата состојба
придонесува за создавање војни, тероризам, силувања,
безработица, криминал, уништување на историски градови и
многу други злосторства. Навикнати сме дека мал број луѓе го
поседуваат речиси целиот капитал на планетава и дека е тоа
нормално и природно. Човекот е навикнат да верува во својата
религија и да ги дисквалифицира другите религии. Луѓето во
иднина мора да стекнуваат и примаат други навики за добрина,
за соживот, за почит кон други луѓе и колективи.

Моралот како систем од норми за членовите на едно општество
не бил почитуван од објективни и субјективни причини. Секој
човек на светот знае што е добро а што лошо, но има други
причини поради кои човекот е принуден да прави нечесни
дејства.

Волкот прави најголемо зло кога е многу гладен. Дали може
човек роден во бедна средина, во која нема никакви шанси да
стане богат или шансите се минимални, да биде морален човек?
Моралните чувства и нивната определба зависат од
општествените односи во дадениот период. Да се определиш за
зло или добро не зависи од моралните чувства туку од
општествените односи. Тоа не значи дека нема исклучоци,
имаме многу морални луѓе кои живеат етички иако се
сиромашни, но тоа е реткост.

Во целината имаме обратен резултат на моралните вредности.
Делување на секое чувство поаѓа од интересот за нешто, во
49