Page 53 - ЦЕЛИНА

страстите и желбата за лошо дејствување.

Умна замисла за мирен и спокоен и среќен живот секогаш е
сметана за неможна, додека злото кое денес владее се прифаќа
како дел од човековиот карактер и дека е нормална појава за
луѓето. Злото фактички се осудува од општеството, но не се
искоренува суштински. Демагогијата која владее денес ги
стивнува страстите на човекот за љубов и човекољубие.

,,Пострашно е секое зло кое се крие под површината“.

Публилије Сир го кажал овој афоризам уште пред нашата ера.
Неправдата со векови била детектирана од многу луѓе, но
владетелите секогаш таквите прогресивни дејства ги задушувале
со различни методи и промислени злодела.

Природната светлина за сознанија и разбирање на општеството
како компактна целина е објаснувана како утопија, како нешто
невозможно и нереално. Секојдневно наметнатото мислење
дека организирано општество е за некое идно поцивилизирано
време трае со векови. Лични материјални цели биле мотив да не
се види природната светлина. Секогаш разумните согледувања
биле негирани и квалифицирани како фантазија. Добрината и
ползата од признавање на една целина биле исмејувани и
претставувани како неприродност и нешто туѓо за човекот.

Разумот и неговата сетилна согледба се прикажуваат како
несовршени и променливи, а реалноста како сложена и тешка за
разбирање. Логиката заменувана со демагогија. Суштината не се
открива лесно, таа стои зад ѕид, а пред него стои демагогијата,
која е чувар и му брани на човекот да не го прескокне ѕидот.
Реалноста е релативизирана, се наметнуваат исти теми со
децении и векови за да не се сменат општествените односи.

Признавање на целината создава благосостојба во која јасно ќе
се види суштината на живеењето. Способноста на човекот
логички да мисли, да расудува се добива во целината.

51