Page 47 - ЦЕЛИНА

за стабилноста за целиот свет.

Планирање добри дејствија може да се спроведува само во една
целина, во која планирање зло ќе се открива лесно.
Патологијата во скршнување од нормата на доброто живеење од
страна на луѓето кои го водат светот мора веднаш да се
детектира. Владетелите кои ги поседуваат банките, парите и
главнината на другите материјални добра наследиле односи кои
не се реални со денешното време.

Општествениот развој денес е поразвиен од општествените
односи, таа нееднаквост носи негативни резултати во живеењето
на луѓето од целиот свет и создава зло. Општественото зло кое
владее денес може да ги повреди сите луѓе без исклучок дали е
некој богат или сиромав.

Во терористички напад на уривање авион умираат и богати и
сиромашни луѓе, таквата атака претставува злосторство, чија цел
е нечие повредување. Со други зборови, некој владетел
направил зло на некои колективи или држави, а тие колективи
своето незадоволство го изразуваат со повреда на невини луѓе.

Лекот за ваквите односи е во создавање здрава целина, која ќе
ги отфрли негативните појави што се хранат од слабостите на
неорганизираното општество. Скршнување од нормите на
моралот денес е секојдневие во целиот свет. Целината како
добродетел ќе ги устрои и ќе ги стави луѓето во нормална
состојба. Патологијата која владее денес кај многу луѓе, полека,
но сигурно ќе се излечи.

Политиката во целината ќе создаде израмнување на
нееднаквоста. Целта на изедначување на нееднаквоста е
добрина за луѓето во целиот свет. Таквиот општествен систем ќе
ги ослободи сите во светот од притисокот што го имаат едните
кон другите.

45