Page 45 - ЦЕЛИНА

Хуман човек е богат човек кој дава дел од своето богатство на
сиромашните. Човек кој подарува материјални добра е дарител.
Намерно се изместува значењето за да се смени суштината.
Човек кој подарува тоа го прави од многу причини, за слава, за
озборување, од суетност, од сочувство за некого и од други
причини.

Хуманост е ЧОВЕКОЉУБИЕ. Тука станува за љубов, не за донација
на материјални добра. Кога имаме љубов меѓу луѓето, тогаш се
говори за хуманоста.
Хуман човек во суштина ги љуби сите. Љубов е кога своето дете
го воспитуваш, даваш сè од себе да му помогнеш да изучи и да
стане добар човек. Не правиш договор со своето дете да ти ги
врати инвестираните пари за неговото школување.
За да бидеш хуман треба да му помогнеш на тој што не знае, а
треба да научи да знае, за да биде еднаков. Богатиот човек или
богатите земји треба да им помогнат на сиромашните не со
давање пари, туку со признавање на целината. Создавање на
целината или признавање на целината ќе донесе нови
општествени односи во кои луѓето ќе се организираат за една
цел. Хуманоста во една целина ќе биде смисла на живеењето.

Слобода е можност на човекот да ги оствари своите цели и
стремежи. Денес слободата е експлоатиран збор со многу честа
употреба, а има друго значење.

Ако слободен човек има стремеж да повреди човек, тој тоа може
да го стори затоа што слободата му го овозможува тоа. Слобода
на движење, слобода на работа, слобода на... во суштина е
демагогија која има свои цели што бараат одговори. Слободна и
независна земја денес се смета за врв на добрината. Но,
слободна и независна сиромашна земја е напуштено и отфрлено
дете од фамилијата. Целината е мајка која треба да се грижи
подеднакво за своите деца, добро да ги воспитува за да имаат
добар живот и да бидат среќни и спокојни. Слободен човек е

43