Page 43 - ЦЕЛИНА

почитување, доверба и хармонија меѓу луѓето, бројот на
глупавите луѓе во такви општествени односи се намалува и со тек
на време исчезнува.

(У)топија, градот на Томас Мор, и Атлантида, градот во
Атлантикот на Платон, се утопија. Желбата за постоење на такво
нешто секогаш била голема. Многу мудри луѓе од целиот свет
давале свои видувања за унитарноста како основа за општествен
развој.

Идеална држава нема, ниту имало, ниту може да има во сегашни
услови. Развиената комуникација во целиот свет и односите од
секаков вид даваат јасна претстава дека само во една целина
може да ги видиме „Утопија“, градот на Томас Мор, и, секако,
„Атлантида“ на големиот Платон.
Владетелите имале главна моќ во структурирањето на
државните односи во своите земји. Владетелите употребувале
разни методи да не дојде до признавање на целината, причина
за тоа е стравот од губење на својата моќ.
Континуиран напредок и развиток во делови од целината е
невозможен, состојбата на денешната светска криза е одраз на
ваквиот заклучок. Позициите во владеењето во расцепкана
целина прават општествена поделеност. Владетелите управуваат
и управувале со државата, и таа се претставува како целина. Дел
од една целина не може да претставува целина, таа состојба
создава негативни дејства и е причина за големи злосторства низ
историјата и денес. Целата таа организирана власт во дел од
целината наметнува националистички, расистички, верски и
други негативни и конфликтни дејства. Лажните државни тези за
постоење некакви хомогени целини ги раздвојуваат луѓето, со
што се создаваат конфликтни состојби. Таа позиција
предизвикува судири помеѓу државите, поттикнува војни и
големи злосторства. Државата се прикажува како нужност за
заштита и добар живот на своите граѓани. Напредок со таквата
поставеност е невозможен.
41