Page 23 - ЦЕЛИНА

Љубовта кон нештата е најважна, таа е суштина на живеењето.
Љубовта треба да е насочена кон сè што постои, но таа е
деградирана и не може да се искачи на површината за да владее
во општествените односи. Насилството е присутно во
општественото уредување во кое нема општа желба за добра
организација. Единката има желба за добра организација, тоа е
дел од нејзината природа.

Демагогијата е оружје што се користи за да се збркаат нештата и
2+2 да биде еднакво на 5. Парите се користат како мито за да
владее демагогијата, состојба во која послабиот е помалку силен
од посилниот или појакиот го угнетува послабиот.

Злото не е дел од човекот, тоа станува дел од човековите односи
ако единката сака да се заштити. Лошите општествените односи
го создаваат злото. Вербата на човекот треба да се насочи во
љубовта кон целината, а оваа ќе ја направи единката среќна и на
тој начин ќе се создаде хармонија во кругот на живеењето.

Добрата волја за промена на општествените односи е присутна
кај многу етичари во светот. Неоспорен е придонесот на
филозофите и големите мудреци. Нивните мудри мисли се
користени за развој на општеството. Но, секогаш се
натпреварувале индивидуалната и колективната волја.
Колективната волја досега имала помал успех во делувањето и
освестувањето. Единката ја исполнуваат егзистенцијалните
потреби, односно надежта и борбата за подобар живот.

Промена на општествените односи и правилен, природен развој
на општеството се добива со колективна добра волја. Потребата
за добро живеење има предуслов, добрата волја да биде
општествено посакувана. Колективната добра волја треба да
биде присутна во целиот свет за да се почне со создавање или
признавање на целината. Добрата колективна волја треба да се
иницира, разбуди или поттикнува. Индивидуалната добра волја
треба да врши просветлување за будење на колективна добра
волја. Денес колективната добра волја е заразена од болест која
21