Page 22 - ЦЕЛИНА

забрзува чекорите по патот кој е јасен и чист. Доброто
однесување и слогата меѓу луѓето ќе постојат во целината. Во
идното општествено уредување ќе владее моралот, но тој ќе се
надогради со нови вредности. Ќе дојде време кога ќе мора да
бидеме морални кон планетите кои нè опкружуваат. Неморално
би било да си ја чуваме нашата планета, а да уништуваме други.
Моралот секогаш ќе се надоградува со нови вредности.

За личната сопственост во иднина човекот ќе загуби интерес.
Поседувањето нема да има значење, нема да има причина да
постои. Во првобитната заедница, кога човекот живеел во
пештера, тој пештерата ја сметал за своја лична сопственост и се
борел со сите средства да ја зачува. Денес истата таа пештера
никој не сака да ја поседува. Општествениот развој ги менува
потребите на луѓето за лична сопственост.

Личната сопственост служи за задоволување на личните потреби.
Денес човекот сака да има убава куќа и добар автомобил, но, со
развитокот на човекот, куќата и добриот автомобил никој нема
да сака да ги поседува, живеењето ќе биде различно од
денешното. Целта на човекот секогаш е во развиток и човекот
секогаш си поставува поголеми цели од достигнатите. Интересот
на општеството ќе биде сосема изменет. Големите цели со
големи вредности денес се апстракција, но во иднина ќе бидат
секојдневни и човекот ќе си поставува нови цели, кои ќе го
стимулираат да оди напред.

Разбирањето на добрите односи помеѓу луѓето ќе биде важно во
иднината, таквото етичко однесување ќе биде резултат од
општествените односи. Среќата, љубовта и спокојството ќе бидат
дел од живеењето на човекот. Злото и лошото однесување ќе
бидат заборавени од причина што нема да има потреба и
интерес за лошо однесување.

Дали ментално здрав човек што има пет милиони долари има
потреба да влегува во некоја сиромашна куќа и да краде педесет
долари?
20