Page 18 - ЦЕЛИНА

Човекот е подготвен во денешниве општествени односи да му
напакости на својот конкурент, тоа потекнува од личен интерес и
од потребата за добивање лична корист.

Луѓето денес не се однесуваат цивилизирано, наликуваат на
диви животни кои се обидуваат да откинат поголемо парче од
уловениот плен. Бројни филозофи го бранат ваквиот општествен
однос и сметаат дека тоа е природно.

Просветлувањето и развитокот на способностите на секој
поединец во светот треба да се релативно еднакви, таквата
еднаквост се добива со иста едукација на младите поколенија.
Ваквиот пристап ќе ги отфрли желбата и страста да се сече
гранката на која се седи. Денешната дисквалификација на некои
поединци и групи создава незадоволство и со самото тоа
создава луѓе кои демонстрираат зло, со кое повредуваат чесни и
невини луѓе.

Национализмот егзистира и доминира во сегашните
општествени односи. Денешните големи или мали нации и
држави влечат на сите страни делови од уловениот плен,
очигледен хаос владее насекаде во светот. Љубовта на една
држава кон друга држава е мала.

Се создаваат сојузи и унии, пример е Европската Унија, која не е
ниту приближно до зборот обединување. Интересот
преовладува, секоја држава во самата унија претставува посебна
целина. Имаме една „помала“ целина која е составена од
држави.

Европската Унија создаде преголема бирократска класа, која ќе
придонесе за уништување на самата унија.

Европската Унија нема еден интерес, има многу интереси и тоа
ќе биде причината за пропаѓање на такво неискрено
здружување. Национализмот кој го има во Европската Унија е
дотурање масло во оган.

16