Page 28 - ЦЕЛИНА

Колективната организираност ќе овозможи извирање на
индивидуална енергија за посветла иднина на човекот. Во
целината самосвеста на секоја единка ќе расте, етичкото
однесување на секој индивидум ќе се унапредува, а тоа ќе се
случи затоа што нема да постојат пречки за таков развој.
Во целината етатизмот и приватната сопственост нема да
побудуваат желба кај човекот да ја користи својата енергија за
несуштествени нешта.

Суштината на живеењето се љубовта, среќата, спокојството. Тоа
се добива само во целината, во која природно човекот ќе ги
определува целите на суштинското живеење.

Пријателството е заемен однос на љубов, почит и доверба.
Денес луѓето имаат пријатели со кои во меѓусебен однос си
поттикнуваат чувство за среќа. Денес човекот има и непријатели,
кои му создаваат чувство на омраза и злоба. Во целина, во која
човекот ќе има исти интереси и исти цели, пријателството ќе
владее, а непријателството нема да постои од причини што нема
да има услови и потреба за постоење.

Експлоатацијата на работникот од страна на сопственикот или
капиталистот е стара тема, која е актуелна од времето на
Ренесансата. Во ваквите општествени односи е пролеано многу
крв. Ваквиот општествен однос создал многу зло во светот.
Почетокот на создавање на целината мора да биде во етапи и
фази. Најпрвин мора да се создаде клима за одобрување и
признавање на целокупното население од целиот свет дека
создавање на целината е неминовен пат во развојот на
општеството.
Целината како содржател од единки треба да има своја
филозофија и регулирање на општествените односи.
Создавањето на задоволно општество е филозофската цел на
целината, во која ќе владее пријателството меѓу луѓето, во
целиот свет.

26