Page 19 - ЦЕЛИНА

Целината означува целосност, потполност, комплетност, во една
целина не можеш да вметнеш демагогија и да ја извртуваш и
изопачуваш за свои интереси. Целината ќе го уништи
национализмот со својата поставеност и со владеењето на
општествените односи. Целина без демократски дијалектички
реализам и негово општествено признавање не претставува
целина, таа ќе биде лажна целина која брзо ќе пропадне.

Економската структура на општеството денес е производ или
наследство од историскиот развиток на човекот. За природен и
регулиран пат кон развојот на општеството треба да се земат
предвид денешните состојби и влијанија. Сегашната состојба е
лоша и човековото живеење е неспокојно. Состојбата не треба
да се менува веднаш и сега, такви промени или обиди за
промени низ историјата носеле груби повредувања на човекот.
Реалната состојба на економската структура на општеството мора
да се проучува и дефинира со цел да не се појават незадоволни
струи при создавање на целината.

Различности во целината постојат во економскиот, правниот и
политичкиот систем во целиот свет. Денес имаме релативно
развиени, средно развиени и неразвиени земји. Имаме
економска глобализација со свои добри и лоши страни. Имаме
земји кои се во развој, имаме неразвиени земји кои се борат за
своја егзистенција и немаат услови за живот.

Со други зборови, нашата планета се наоѓа во општ хаос и
неорганизираност. Земјите што мислат дека одат во вистинска
насока наскоро ќе ја увидат својата лоша состојба, тоа се
отсликува со доаѓањето на конзервативните партии на власт, кои
сакаат враќање назад и сочувување на стариот начин на
доминација над другите. Ниту едните, ниту другите, ниту третите
немаат голема перспектива за иднината.

Човекот антрополошки одел напред, но за таквиот напредок
давал големи жртви и се правеле големи зла и неправди. Ако
денес ги гледаме и ги анализираме, ќе заклучиме дека речиси
17