Page 27 - ЦЕЛИНА

Среќата е посакувана цел на човекот, таа се чувствува и се јавува
краткотрајно, ограничено или во некое определено време, нема
долготрајна среќа. Посакуваната вечна среќата се јавува во
форма на апстракција и никогаш не била достижна. Вечна среќа
постои само во целината. Целосната среќа во животот треба да е
цел на секој човек. Постигнување долготрајна среќа има во
целината, каде не постои злото .

Во едно компактно тесно семејство (мајка, татко и нивните деца)
материјалните добра се делат според потребите на членовите од
фамилијата, злото речиси не постои во односите во фамилијата.
Користа се распределува според потребите, а не според
вложениот труд на членовите на фамилијата.

Исполнетост или просветеност на единката за љубов и живеење
во една целина треба да е идна цел за општеството. Фамилијата
и целината треба да се во директна врска, државата, која се
јавува како посредник, во суштина само создава зло и неспокој.
Државата ги разделува луѓето од целиот свет, таа има свој
интерес. Постоењето на многу држави во светот создава многу
различни интереси, кои резултираат со војни и други злобни
нешта.

Целината ќе ги сплоти армиите од сите денешни држави. Една и
единствена светска армија ќе ја зацврсти довербата меѓу луѓето.
Светската армија ќе служи за заштита на целината од несакани
појави кои би сакале да и наштетат на целината. Светската
армија ќе биде во тесна врска со светската полиција и тие ќе
бидат под директна команда и координација од светското
собрание.

Тага, милосрдие и сочувство се природни чувства на човекот и
тие не се опозити на среќата. Човекот не е вечен, тој се раѓа,
живее и умира. Сочувството треба да владее секогаш, таквата
состојба треба да стане реалност.

25