Page 14 - ЦЕЛИНА

Човекот во суштина е добро суштество, станува лош и злобен
затоа што средината во која живее е таква. Кога една средина се
менува и станува човечна, и човекот како единка се менува кон
подобро затоа што во коренот човекот е добар и рационален.

Нехуманоста се јавува во услови кога владеат лоши општествени
односи. Работен и вреден човек не сака да помага на неработник.
Општеството треба да едуцира и да создава услови луѓето да
стануваат полезни. Денес правдината е недоволна, тоа се
чувствува насекаде во светот, луѓето сакаат со мал труд да
заработат повеќе и тоа се шири меѓу другите луѓе како лош
мотив за животен дострел.

За да владеат хуманоста и човекољубието треба да се создадат
услови. Целината ќе создаде услови човекот да стане хуман и
човекољубив.

Сите елементи за добро живеење се содржани во човековиот
карактер, за сето тоа да исплива на површината потребна е
организираност во целината.
Мобинг во целината нема да може да егзистира затоа што нема
да има почва да вирее. Меѓусебната емпатија нема да дозволи
мобинг врз никого. Но, изразување мислење во вакви денешни
општествени односи е релативно невозможно.

Во историјата секогаш имало борба на класи (класи се збир на
луѓе што имаат иста положба и исти интереси). Филозофите
отсекогаш барале начин да се решат овие состојби и луѓето да се
изедначат. Теоретските филозофски просветувања не дале
големи резултати. Неостварените желби на луѓето не ја менувале
суштината во општеството. Приближување на класите една кон
друга и нивно спојување се добива во целината во која
општествените односи се унапредени.

Во целината правниот систем секојдневно ќе се унапредува и со
тоа ќе се оди кон создавање на апсолутна правдина. Апсолутна

12