Page 13 - ЦЕЛИНА

голем интерес, а даваат 0,5% интерес на штедните влогови,
доведуваат до банкрот компании кои се во подем и имаат
перспектива, а не се дел од нив. Прават политички немири каде
што сакаат. Подбуцнуваат и создаваат војни во кој регион и да
посакаат. Едноставно имаат публика и таа ги возбудува, за да не
им е досадно. Дојде време публиката да не оди на натпревар и
да ги остави сами да си играат.

Организирано општество е во суштина одење на публиката на
поинтересен натпревар, на кој нема да има
„наместени“ резултати. Во организирано општество ќе нема
фондови и фондации преку кои се перат пари за да не се платат
такси на државите. Законите, кои ќе бидат унифицирани или
воедначени, ќе ги елиминираат сите видови измама.

Да претпоставиме дека е можно половина од светските
пратеници, кои ќе ја претставуваат и водат целината, да вметнат
владетели за да влијаат во работата на светското собрание. Кој
од владетелите би останал на едно место со луѓе кои го
жртвуваат својот живот за доброто на општеството? Владетелите
би наместиле свои луѓе да ги исполнуваат нивните цели и
интереси.

Човекот пред сè се сака прво себеси па потоа другите. Човекот
може да направи сè за својот интерес, тоа е денешната реалност
во вакви општествени односи. Алтруизмот во денешно време, во
вакви општествени односи, се сомневаме дека постои, го има
само кај единки кои се борат да го прошират кај другите, но не
успеваат.

Секој независен човек кој има услови, права, моќ и должност, а
пред сè е морален, тешко ќе дозволи да му се наметнува
влијание од друг. Денешните светски лидери се уценети и затоа
се послушни. Светскиот пратеник (како што објаснивме и
препорачуваме во претходните две книги „ Патека “) ќе се
посвети целосно на своите обврски и нема да има притисоци од
никого поради системот кој ќе владее во целината.
11