Page 8 - ЦЕЛИНА

Чувството за љубов кон себе и кон општеството треба да се гради
и надополнува. Правдината како темел на општествените односи
ќе го издига и усовршува моралот кај сите луѓе во светот.
Почитувањето на човекот кон општеството и на општеството кон
човекот ќе даде чувство за колективно и индивидуално
достоинство.

Етичноста во целината ќе ја издигне правдината, правдата во
целиот свет ќе го издигне живеењето. Правдината и човековото
достоинство треба да се водат од совеста на човекот. Совеста ги
запира и регулира нашите страсти кои можат да предизвикуваат
насилнички однесувања кон другите. Без совеста разумот би бил
празен. Моралниот прогрес и неговиот развој ќе ја издигнат
правдината. Човекот во целината ќе се развива квалитетно,
позитивните елементи во карактерот на општеството и на
човекот ќе се нагласуваат, а лошите елементи од карактерот ќе се
намалуваат и уништуваат.

Сопственоста е сензитивен проблем за решавање. Многу
филозофи низ историјата сопственоста ја гледале од свој агол,
нивните одговори на прашањата за сопственичките односи се
различни и комплексни. Субјективноста доведе до конфликти
меѓу луѓето во светот. Широкиот поглед и главните елементи за
проучување на сопственичките односи не биле земани како
суштински елементи. Фактичката состојба за сé што се проучува
треба да биде претставена реално. Во целината не треба да се
апстрахираат некои делови како елемент за проучување.

Промената на сопственичките односи никогаш не треба да биде
насилен процес или принуда. Материјалните вредности или
личната сопственост во иднина треба да се стават во позиција во
која човекот нема да има желба и потреба од нивна власт.
Материјалните добра во иднината човекот треба да ги користи и
умно да ги употребува, впрочем по смртта човекот не ја носи
сопственоста со него. Во иднината, наследството со промена и
развој на општествените односи нема да биде посакувано од

6