Page 4 - ЦЕЛИНА

Луѓето почитуваат нешта кои немаат суштина, додека
суштинските нешта ги игнорираат. Се уважуваат институции кои
се непотребни и не им помагаат на луѓето во живеењето, туку им
предизвикуваат неправди и неспокој. Оваа книга има за цел да
го просвети човекот и со тоа да му даде надеж дека лекот
постои.

Книгава како филозофија за градење на единствена целина на
човечката егзистенција која ќе донесе среќа и спокојство на
луѓето ја уважува и почитува иднината и ја намалува вредноста
на историјата, која не носи голема корист за луѓето.

Главната цел е човекот да живее подобро и поспокојно во
иднина. Нагласени се многу нелогични нешта кои владеат во
општествените односи, кои треба да се менуваат за посреќен и
поспокоен живот.

Односот означува релација меѓу нештата или начин на
однесување кон некого или кон нешто. Општествен однос
означува однесување или дејства на луѓето во општеството.
Бидејќи најважно за човекот е да живее среќно и спокојно во
благосостојба, прв предуслов тоа да се добие се општествените
односи кои треба да се во согласност со етиката и моралот.

Светот или целината мора да се сплоти, да се почитува, луѓето
мора да стекнат доверба помеѓу себе, таа состојба ќе создаде
хармонија што ќе го издигне живеењето во целината. Во оваа
книга се откриваат главните пречки за подобрување на
општествените односи.

Љубовта кон себеси и почита кон другиот се во суштина заемна
љубов кон луѓето од целиот свет. Моќта на љубовта ќе создаде
почит за сè што нè опкружува, значи доброто воспитување и
ширење љубов се наша цел во иднината. Воздигнувањето со
љубов ќе донесе или ќе создаде услови за подобро човеково
живеење.

2