Page 11 - ЦЕЛИНА

Човекот се бори на сите полиња за повисока положба, но
суштествено тоа не носи реален напредок на општеството, се
тапка во место. Модерниот капиталистички однос со примеси на
социјални згрижувања е врв на незадоволството во светот.
Луѓето кои го согледале системот што владее денес се
прилагодуваат и се школуваат, затоа што тоа е единствениот пат
за лично унапредување и заземање положба подобра од
другите.

За човекот најважни се среќата и спокојството. Човекот се бори
целиот свој живот за своето материјално добро, да биде
задоволен и спокоен. Индивидуалната борба за придобивање
материјални добра без соодветна организираност на
општеството суштествено создава хаос во кој е дискредитирано
достоинството на човекот. Човекот се мачи и работи целиот свој
живот за да купи добра куќа и други материјални добра. Во
дадени моменти, од објективни или субјективни причини, може
да загуби сè што заработил, тоа е закана на реалноста.

Општествените односи наметнуваат став дека материјалните
добра се на првото место за добивање среќа и спокојство. Многу
филозофи и мудри луѓе се бореле и докажувале (некои од нив
дури и се жртвувале) дека материјалните стремежи се одење
надолу или дека сами по себе материјалниот личен имот или
сопственоста не се суштина на живеењето. Општествените
односи се главната причина што најголем дел од луѓето не се
задоволни.

Општествено признавање е метод на голема квантитативна
проверка на теоретското поставување на одредено идеолошко
размислување или на теоретското идеализирање. Целината како
збир на индивидуи мора да учествува во планирање на
живеењето. Во таков систем луѓето ќе се приближуваат еден кон
друг, а тоа ќе доведе до почитување и создавање љубов меѓу
луѓето. Во целината директната демократија ќе донесе напредок
во општествените односи.

9