Page 3 - ЦЕЛИНА

Предговор

„Целина“ е книга која е различна од многу други книги. Книгава
наликува на збир од филозофски тези со одредена содржина. Во
суштина книгава е многу едноставна и има своја цел. ЦЕЛИНАТА
е предмет на третирање, таа е ставена во центарот и околу неа,
од секој можен агол, се испитува, проценува, студира, анализира
и докажува дека живеењето во целина може да му даде само
добрина на човекот. Се доаѓа до состојба во која целината го
отфрла злото од луѓето, му создава среќа и спокојство и ја става
во владение љубовта.
Животот на човекот е исполнет со голема фантазија и надежи за
убаво живеење. Луѓето во мислите посакуваат убави нешта, но
се судираат со илузии - во реалниот живот сè е поинаку.

Зошто?

Неправдата владее насекаде, создава притисок, со кој среќата и
спокојството стануваат апстрактни за луѓето.

Оваа книга е создадена со единствена цел – просветлување, за
човекот да ја согледа реалната состојба на општеството. Целта е
да се добие волја за промени во општествените односи. Во таква
состојба, нашите соништа за добро живеење би станале
реалност.

Во мојот живот сретнав многу тажни и несреќни луѓе кои не се
згрижени од општеството. Видов разни заразни болести. Луѓето
мислат дека не постои лек за болестите, дека се предопределени
така да живеат и дека е тоа нивната судбина.

1