Page 12 - ЦЕЛИНА

Организирано општество дава големи права, но донесува и
големи обврски. Не може во организирано општество да
користиш и да имаш големо право да владееш над нештата, а да
немаш никаква обврска да учествуваш во изградба на нештата.
Свеста на луѓето во една целина ќе се развива подеднакво затоа
што интересот на сите луѓе во светот ќе биде ист.

Големите мудри луѓе кои оставиле белег во историјата секогаш
давале на знаење дека треба да му се помогне на послабиот. Од
природни причини постојат послаби и посилни луѓе во која било
смисла на дејствување и работење. Способноста на поединецот
и неговиот квалитет имаат поинаква вредност од другиот. Денес
способноста е релативна (една од причините е што стартната
основа е различна). Денес способен човек, од објективни и
субјективни причини, не мора да е и успешен човек. Мерилото
за квалитет е релативизирано од многу причини.
Квалитетот на општественото уредување определува дали
живеењето е добро или лошо и дали може да се живее подобро.
Многу значајно е дали општествениот развој е на прав пат кон
најдобриот начин на живот. Целта за сите луѓе на светот е да
достигнат среќа и спокојство. Кога се утврдува целта и таа е
општествено призната, тогаш е многу полесно да се најде начин
да се дојде до целта.

На една спортска трка целта ја постигнува најдобриот, единка
или екипа што го освојува првото место. На Олимписките игри
учесник е целото општество, едни учествуваат во спортските
натпревари, а другите се навивачи, третите се новинарите,
медиумите, амбиентот го создаваат луѓето од целиот свет.
(Замислите двајца другари да се тркаат меѓу себе на 100 м,
никому да не кажат дека истрчале сто метри за 8,5 секунди и
притоа сами да си се радуваат. Такво нешто не постои.)

Луѓето или оние кои го водат светот имаат некоја цел. Таа цел е
апстрактна или суштествено не постои. Тие имаат екипа која игра
сама за себе. Ги имаат сите финансии на светот, даваат пари со
10