Page 6 - ЦЕЛИНА
P. 6
ЦЕЛИНА
ФИЛОЗОФИЈА ЗА ЧОВЕЧКИТЕ СОСТОЈБИ И ЗА
ПАТЕКАТА ЗА ГРАДЕЊЕ ЕДИНСТВЕНА ЦЕЛИНА НА
ЧОВЕЧКАТА ЕГЗИСТЕНЦИЈА
Филозофијата е наука што го открива развојот на општеството и
ги унапредува општествените односи. Со тоа филозофијата е
наука над сите науки, без филозофија нема добро државно
уредување, без филозофија нема добро право, економија, но и
среќа и спокојство на луѓето... Без филозофија нема напредок на
човештвото.
Секој човек има своја филозофија за животот и живее според неа.
Човекот треба да има услови да го живее својот живот како што
сака, во согласност со опкружувањето во кое ќе се почитуваат
моралните вредности. Филозофијата секогаш била плодоносна
за човекот и општеството. Во историјата навистина имало луѓе
кои давале погрешни насоки во движењето на општествениот
развој, но со времето тие грешки се поправале и служеле како
поука да не се повторуваат.
Антропологијата како наука дава одговори на сите човечки
прашања и нè упатува кон доградување, со цел да живееме
подобро, поспокојно и да доживееме поголема среќа.
Филозофското предание го учи човекот за добрината и доброто
однесување. Со векови филозофите ги надградувале моралот и
етичките вредности за да ги подобруваат општествените односи.
Градењето такви морални вредности давало придонес за
човековиот развој. Спокојството како резултат од таквите односи
не било задоволувачко, сепак пролеаната крв и многуте зла се
доказ за лошото однесување на човекот.
4
