Page 40 - ЦЕЛИНА

Зошто голем процент од населението во светот сака да живее во
таканаречениот богат свет или развиени земји? Зошто не се
обидат своите домови, своите градови и села, своите земји да ги
направат слични или подобри од западните земји? Многу
прашалници, многу теории и многу заговори, кои навидум се
неважни. Одговорите на овие прашања се формални. Одговорот
е едноставен и јасен, нова општествена организираност која ќе
се грижи за целината или целиот свет е неминовен иден чекор
кој треба да се направи.

Вледетелите треба да нè остават на мир, потребно е да се
одземат сите елементи што им овозможуваат да делуваат на
општеството. Ако создадеме една целина нема да можат да се
прават заговори меѓу државите, затоа што државите нема да
постојат. Ова е просто кажано. Секако за ова да се реализира
претстои голема работа и напори на сите полиња. Владетелите
ќе разберат и ќе сфатат дека таквото општествено уредување ќе
им донесе и ним подобар живот и нивното спокојство ќе биде
поголемо отколку што е денес. Во создадената целина никој
нема да има страв дека некој ќе убие некого, човекот ќе
заборави што значи убиство.

Војните кои се воделе, а и денес постојат, во организираното
општество нема да постојат, целината нема да дозволи самата да
се повредува.

Првично ваквиот пристап изгледа утопистички и нереален, ако
почнеме да ја создаваме целината со примена на демократскиот
дијалектички реализам, кој мора да биде општествено признат,
ние ќе почнеме да навлегуваме во период на нови општествени
односи кои секојдневно ќе ги надградуваме. Треба да создадеме
единствен правен систем, еднаква едукација за целата планета,
една полиција, едно светско собрание и сите потребни
институции кои ќе бидат создадени да го водат светот во
повисок општествен развој.

38