Page 31 - ЦЕЛИНА

Проучување на етичката енциклопедија на светските личности
низ историјата сè до денес дава прекрасни пораки за етичко
однесување на човекот. Се поставува прашање, дали ние
живееме во таков свет на морални вредности?

Објективно и реално светот живее во општествени односи кои се
незадоволувачки и лоши, а во некои области се катастрофално
лоши. Зошто е таква состојбата во секојдневниот живот на луѓето
во светот?

Да претпоставиме дека на нашата планета доаѓа некој туѓинец од
некоја друга планета со задача да ја проучува нашата
цивилизација и да даде мислење за нашата развиеност. На
почетокот туѓинецот ќе ја проучи литературата што сме ја
пишувале со векови, потоа би дошол за да види практично како
ние живееме. По кратко дружење со нас, ќе заклучи дека ние
сме паметни, со векови размислуваме добро, но во реалниот
живот живееме многу лошо. Првата реченица би била:

„Вам ви недостига организираност и почитување во
општественото живеење“.

Човекот треба да разбере дека е неопходна детерминација и
организираност во целиот свет. Досегашните делувања за
организираност на целината биле незначајни и со мал успех,
создадените светски институции, како што се Обединетите нации,
не дадоа голема корист. Причините за сегашната состојба се
различните интереси на државите кои се членки на Обединетите
нации. Различни интереси не даваат можност да се добие
единствена цел.

Потребна е нова организација во светот и таа треба биде цел за
да живееме подобро. Добивање приврзаници кои би биле
просветители и би ги учеле луѓето дека целината е потреба и
задача на интелектуалците и на сите добри и паметни луѓе.
Космополитизмот како долговековна реална идеја е политичко
уверување потребно за да се гради хумано општество и хумани

29