Page 30 - ЦЕЛИНА

Етиката е најзначајна гранка на филозофијата, во која покрај
теоријата на моралот, има учење за сознанието и устројството на
светот. Човекот мора да пронајде пат по кој луѓето мора да
стигнат до среќа, спокојство и благосостојба.

Главните пречки за подобрување на општествените односи мора
да ги откриваме за да ги уништуваме. Негирањето или
апстрахирањето на историјата е со цел да се отфрлат негативните
елементи кои го сопираат општествениот развој. Историјата
мораме да ја ставиме во таква положба од причина што со тоа ќе
добиеме релаксирани меѓунационални или меѓудржавни односи.
Конфликтите што ги имаме речиси во целиот свет се производ од
историските односи, кои создале поделеност на целината.

Историските дела на големите мудреци и сè што е добро од
историјата треба да влезе како наука во иднината, да служи како
пример за добро, полезно и корисно за општеството.

Дијалектичкиот реализам мора да биде главниот мост за
поврзување и спојување на целината. Општествена свест дека
треба да се решат општествените односи ќе роди и создаде
респект меѓу народите во светот. Довербата меѓу луѓето треба да
расте до создавање идеално чувство на еднаквост на секоја
индивидуа.

Релативизирањето на историјата мора да се сфати затоа што
историјата е една од главните причини за денешната
расцепканост на целината. Да се создаде една целина мора да се
детектираат причините за постоење пречки во создавањето
целина. При создавање на целината не треба да се мисли на тоа
како во целината да бидат среќни едни, сегашни држави или
поединци, туку да биде среќна и спокојна целината, целото
општество. Историјата ги раздвојува денешните народи, таа
создава омраза. Едноставно, луѓето не можат да се вратат назад
за да се поправат и да ги исправат грешките што се направени.

28