Page 29 - ЦЕЛИНА

Иднината на светот е важна и таа мора да се проучува и планира
за да се добие правилен развој на општеството. Историјата
памети многу мудри луѓе кои откривале вистински морални
решенија, несебично твореле за општеството, ја откривале
вистината за доброто, ја детектирале вистината.
Постоеле разни субјективни или објективни причини поради кои
историјата произведе општествен поредок без морални
вредности, во кој етиката e деградирана. Историјата даде јасна
претстава дека човекот тргнал по заобиколен пат, кој е потежок и
подолг, полн со предрасуди и самоуништување.

Алчноста, слабоста, превртливоста и другите лоши карактерни
својства кај човекот треба да се третираат за да се откријат
суштинските причини за таквото однесување, со цел да се најде
начин за правилен и подобар општествен третман меѓу луѓето.

Личниот интерес во денешните и во минатите општествени
односи ги создал сите пороци кај луѓето. Пороците се голема
пречка за добри меѓучовечки односи.
Време е да се тргне по патеката што ќе нè води до мотивираност
и желба за посветла иднина. Целосен општ интерес во целината
ќе ги замре пороците.

Денешниот скептицизам кој владее во целиот свет мора да се
надрасне. Неверувањето во силата на човекот да ја спознае
вистината и принципите на моралот мора да исчезне. Денес е
релативизирано доброто и злото, наша должност е да ги
одделиме и тие јасно да се препознаат.

Неизвесноста внесува паника во општеството. Денес задача на
филозофијата е да им помогне на луѓето во нивното страдање,
таа треба да им даде на луѓето можност за чувство за среќа во
текот на целиот живот.

27