Page 76 - ЦЕЛИНА

Денес во некои земји кои се декларирани како демократски
всушност владее тиранија. Граѓаните од тие земји се угнетени,
правото не важи за секого, а сето тоа не се гледа, туку е под
масата, но се чувствува. Обединетите нации сакаат да делуваат и
да ги сменат нештата, но тие се притиснати и нивната моќ на
делување е мала.

Демагогијата е метод или систем кој се користи да се изопачи
вистината и лагата се прикажува како вистина. Демагогијата го
раѓа злото, кое ја пресвртува или заматува вистината.
Многу големи или мали мисли се релативни, полувистини, мали
вистини, мали невистини и големи невистини. За да се дојде до
вистината треба да се искачиш највисоко. Искачување на
највисоко е живеење во целината, највозвишеното е платформа
на која човекот ќе ја продолжи потрагата по суштината на
општото битие и на егзистенцијата.

Во светот имаме луѓе кои живеат на работ на постоењето, луѓе
кои умираат од глад, кои се боси и голи, но имаме и луѓе кои се
екстремно богати. Денес имаме политички и економски
емиграции од големи размери. Денес западните земји се
загрозени од тероризам. Денес се разурнуваат земји од
подмолни планови за личен интерес.

Дали е ова нормално?

Дали е ова демократски?

Денес имаме војни во кои луѓето масовно се убиваат, илјадници
невини луѓе кои се на различни начини угнетени. Ваквата
состојба не го отсликува битието на човекот и неговите основни
карактеристики. Организираното општество не дозволува да има
дејства од вакви размери. Нееднаквоста создава голем отпор и
се создаваат големи зла. Расцепкана целина нема решение за
ваквата состојба.

74