Page 72 - ЦЕЛИНА

народот треба да владее, а демагогијата спроведува заблуда,
кога народот се води за изделени интереси и се применуваат
разни методи со кои народните маси се заведуваат.

Демагогијата е учење за изопачување на вистината во негативна
смисла. За жал, денешното општество има повеќе негативни
отколку позитивни елементи на општествените односи, па затоа
демагогијата успева да егзистира во самата демократија.

Денешното егзистирање на демагогијата во порите на
демократијата се гледа и од декларацијата за слободен човек во
една демократска земја. Слободен и независен човек во
денешна демократска држава е во суштина напуштен и
дезинтегриран од својата држава. За да бидеш успешен човек
денес треба да не си слободен, туку да си полтрон или лицемер
спрема повисоките од тебе, тоа е реалноста која ја има во сите
пори на општествените односи.

Човекот треба да создаде единствен политички, правен и
економски систем во целината со кои ќе го подобри живеењето.
Во денешната реалност се форсираат негативците, а тоа се
управителите, кои, користејќи ја оваа состојба, прават големи
зулуми во целиот свет.

Сето општество е засегнато од ваквиот однос каде демагогијата е
дел од демократијата. Затоа човекот во иднина треба да
пронајде систем во кој демагогијата ќе почне да се исфрлува од
демократијата.

Демагогијата како појава се усовршувала во текот на историјата и
денес стигнала до највисоко ниво од својот развој. Денешните
општествени односи владеат и егзистираат со помош на
демагогијата. Убедувањето на целиот свет дека ние треба да
живееме во демократија која денес се применува како основа за
денешните општествени односи е само демагогија. Денешната
демократија е само лага која е изопачена од демагогијата, во
суштина денешната демократија се потпира врз демагогијата.

70