Page 81 - ЦЕЛИНА

Подоброто образование ќе разбуди потреба да се гледа
суштината на нештата. Најголема суштина на човекот е доброто
живеење. Целината, како содржател на сите единки во целиот
свет, во иднина треба да биде почитувана од човекот. Целината
ќе донесе развиток на општеството во кое ќе се променат и
потребите за личната сопственост.

Сопственоста и слободата се сметаат за големи вредности и
придобивки на денешната цивилизација, а во суштина двете
нешта се неважни за добро живеење.
Слободен човек без пари и имот е осамен и напуштен од
општеството. Таков човек е принуден да се бори сам за да се
интегрира во општеството, неговото поврзување со околината
зависи од неговиот разум и од стремежите кои ги поседува.
Најчесто човекот не може да ги достигне целите кои ги поставил,
настанува разочарување или депресија, таквата состојба го става
во положба да прави зло со кое сака да ги оствари своите цели.

Таков слободен човек е во суштина роб на општеството,
слободен човек без сопственост е незадоволен човек.

Слободата и сопственоста во вакви општествени односи се
значајни, но во суштина се неважни нешта за човекот од многу
причини. Самиот збор слобода означува можност на човекот да
ги оствари своите цели и стремежи, но зборот слобода има
многу пошироко значење. Кога се употребува зборот слобода
мора да се назначи точно за која слобода зборуваме.

Слобода на движење.

Слобода да љубиш.

Слободно да кажуваш невистини.

Слободно да плачеш.

Слобода да бидеш среќен.

79