Page 75 - ЦЕЛИНА

размножуваат и нивниот број расте. Таквите односи се причина
за создавање злосторничко здружение и имплицираат големи
штети во општеството.

Демократскиот систем како идеја влече корени од одамна,
неговото унапредување или уназадување е искажано низ
досегашната историја. Демократскиот систем во една држава
дава денес главно лоши резултати. Интересот на една држава е
различен од другата, таквата состојба ја нарушува и ја
дискредитира демократијата, зашто таквите разлики и
противставености направија хаос во целиот свет.

Создавањето целина и спроведувањето демократија која е
општествено призната, што би значело спроведување на
дијалектичкиот реализам, е единствен систем што ќе ги подобри
и развие општествените односи. Еден единствен демократски
систем ќе се спроведува во целиот свет, со тој систем луѓето ќе
изберат свои претставници кои ќе го водат светот. Тоа е
неизбежно решение за сите денешни проблеми кои нè
преокупираат.

Не постои друг пат, во секаков друг систем демократијата би
била нападната од демагогијата, со која би доминирал личниот
интерес на трети лица. Личниот интерес кој владее денес и
доминира во разумот на секој индивидуум треба да го менуваме.
Општиот интерес е содржател на многу лични интереси.
Развиените општествени односи го подобруваат квалитетот на
општото живеење, а со тоа и квалитетот на индивидуалното
живеење.

Војните и сите зла во организирано општество ќе изумрат.
Демагогијата владее денес, лоши ликови владеат со светот, се
искористува неорганизираноста на денешното општество, кое
дава простор да владее демагогијата.

73