Page 38 - ЦЕЛИНА

Интернетот е полн со информации, целиот свет за кратко време
ги добива сите податоци и случувања. Демагогијата се
распознава, информацијата што се пласира се класифицира, се
открива и споредува од различни извори многу лесно и
едноставно. Сите знаат што се случува во светот. Сите
„местенки“ се гледаат, се препознаваат лесно и едноставно.

Велиме дека сме луѓе и декa сме хумани, етични, морални... Но,
тоа се само празни фрази. Чувството на незадоволство е влезено
во нас и секојдневно нè притиска сè посилно и посилно. Трудот е
негиран, а демагогијата и додворувањето се користат за
заматување на водата.

Црквата го велича Исуса, а таа не ја спроведува добронамерната
порака од него да го љубиме ближниот, а исто така ни основните
Десет заповеди. Се организираат некои бесплатни кујни, кои се
маска да се изрази милост и лажна љубов или да се оправдаат
донациите што се добиле. Верските институции имаат свои
банки со кои се отсликува лихварството и се гледаат негативни
цели и насоки. Мал број свештеници се борат за човештината,
како Дон Кихот со ветерниците.
Низ целиот свет имаме универзитети за филозофија, психологија
и за многу слични на нив, но никој не се осмелил да ја каже
вистината за да не добие етикета дека е комунист, утопист или
обична неука будала. Тие се занимаваат со чистење карбуратори,
свеќици, менуваат масло на автомобилот, ја чистат
шофершајбната. Тоа го прават многу добро, но никој од нив не
кажува дека автомобилот кородира и се распаѓа. Нормално,
наставниците имаат фамилии кои треба да егзистираат, никој од
нив не сака да си го наруши своето лажно спокојство. Сите се
заштитуваат и си велат „нека изгори друг, а не јас, па кој сум јас?
Не сакам да ме растргнат како Исус, зошто да се жртвувам за
другите, мене ми е добро“.

36