Page 85 - ЦЕЛИНА

уредување, следното општествено уредување ќе ги распознава
вистинските вредности, а ќе ги отфрла негативните појави кои
владеат денес.

Денес светот несомнено има големи проблеми. Откривање на
денешните проблеми мора да биде наша цел. Проблемите кои
го окупираат човекот треба да се детектираат и потврдат од
целината. Таквата состојба ќе даде можност за решавање на
лошите општествени односи.

Треба да постои центар со луѓе кои со својата интелигенција ќе го
водат светот во добра насока. Демократскиот систем или
директната демократија ќе доживее свој расцут и прогрес.
Ваквиот иден демократски систем секојдневно ќе ја издига
довербата меѓу луѓето од целиот свет. Планирањето на иднината
полека но сигурно ќе ја отфрли демагогијата од општествените
односи. Зближување на целината ќе придонесе да навлезе
благосостојбата, а спокојството ќе се искачи на повисоко ниво.
Еднакви закони во целиот свет се неминовен иден процес.

Законот е израз на општата волја. Под општа волја се
подразбира човекот воопшто, а не одредени луѓе или групации.
Самата суштина на општата волја претставува целина на сите
луѓе во светот.

Законот мора да е унифициран и тој да важи за целиот човечки
род. Различните закони во сите земји на светот го изопачуваат
или деформираат правото, а со тоа се поделуваат моралот и
етичкото однесување, некое однесување за една земја е етичко,
за друга не. Денешните проблеми се раѓаат и од нееднаквите
закони. Човекот роден во различни делови од планетава се
однесува различно поради различните закони. Во таква состојба
самата смисла на законот е негација за целината. Еднаквите
закони и еднаквиот правен систем во иднина треба да имаат
приоритет за да се намали незадоволството на луѓето во целиот
свет.

83