Page 69 - ЦЕЛИНА

денешниот (либерален) демократски систем е само декларација
дека нешто треба да биде, но во практиката го нема. Медиумите
се главни промотори на оформување на колективното мислење
и прават задушување на мислата. Религијата дава добри насоки
за однесување на луѓето, но различните религии ги двојат луѓето,
а со тоа се создаваат различни интереси, со кои се разделува и
целината. Сопственоста и владеењето на материјалните добра
не треба да се засилува, туку да се оди во насока човекот да
нема потреба од лична или државна сопственост. Луѓето треба
да имаат цел да живеат среќно и спокојно, материјалните добра
и нивната поделба создава негативни дејства и незадоволство.
Демократскиот систем кој владее денес има поддржувачи, но
има и некои други филозофски размислувања.

Некои анархисти се противат на постоењето на демократијата, а
некои ја поддржуваат. Пјер Жозеф Прудон се именува себеси
како најголем непријател на демократијата и
социјализмот. Мјуреј Букчин, пак, ги критикува анархистите кои
се противат на демократијата, велејќи дека владеењето на
мнозинството е доследно на анархизмот.
Разните размислувања и ставови имаат објективни и реални
причини да изразуваат мислење дали нешто е добро или лошо.
Мислењето за еден сегмент од едно цело не го дава точниот
одговор. Добивање точен одговор се добива кога се анализира и
проучува целосноста на нештото. Парцијалните решенија немаат
прогрес.

Римската демократија во голема мера претставувала копија на
грчката, иако понекогаш им гарантирала право на глас и на
граѓаните без римско потекло. Филозофијата на римските стоици,
која ја дефинирала човечката раса како мал дел од божествениот
принцип, и еврејската и христијанската религија, кои ги
акцентираат правата и еднаквоста на сите пред Бога,
овозможиле развиток на таканаречената модерна теорија за
демократијата.
67