Page 67 - ЦЕЛИНА

Демократските системи во поновата историја, а и денешните
демократски уредувања, речиси во целиот свет пројавија
перцепција за менување или усовршување на демократијата.
Очигледните недостатоци кои се појавија во демократскиот
систем доведоа до реално размислување за усовршување на
демократскиот систем.

Директната демократија се дефинира како систем во кој
граѓаните одлучуваат за секоја поголема политичка одлука. Се
нарекува директна, бидејќи во буквална смисла нема ниту
посредници, ниту претставници. Директната демократија по
обичај е поврзана со помали антички заедници како
грчките полиси.

Денес, ограничен тип на директна демократија се забележува во
некои од швајцарските кантони и во некои помали организации
во Нова Англија (обично заедници со под 10.000 гласачи). Од тие
причини се појавува репрезентативната демократија, која
вклучува избор на владини претставници од страна на луѓето,
кои потоа ги застапуваат нивните интереси, но не секогаш во
согласност со нивните желби.
Со ваков тип демократија, чие функционирање се базира врз
постоењето на посредници, се негира директната демократија.
Дел од светските репрезентативни демократии врската со
директната демократија ја одржуваат преку референдум.
Проблемот се нагласува и се согледува затоа што секоја одлука
на владетелите не може да се потврдува со референдум, тоа би
било невозможно и оптоварувачки.

Денешната технологија на развиен компјутерски систем дава
можност да се воведе ограничен систем на директна
демократија за важни прашања, со кој треба да се решаваат
прашања кои ги засегаат луѓето.

Директната демократија во целината за важни одлуки и
делувања е единствен начин за уредување и добивање

65