Page 66 - ЦЕЛИНА

луѓето, затоа што не ја откриле последната цел на општеството,
која ќе создаде подобри општествени односи.

Религијата била создадена за да се зачуваат етичките односи во
општествениот живот. Историјата покажува дека религијата
треба да се издигне на поинакво ниво, за човекот да биде
задоволен од религијата. Денес мора да се назначи и проучи
иднината и со тоа да ја видиме светлината во иднината.

Некои од старите мајстори на филозофијата се повлекувале од
средината во која живееле и употребувале контемплација за
облагородување на својата душа, твореле, поучувале со своите
дела, етички живееле, ги величале моралните вредности. По
толку векови сепак не успеале да делуваат животот на земјата да
биде подобар.
„Не филозофирај многу“ е најчеста изрека кај многу луѓе во
светот за да потенцираат дека станува збор за бегање од
реалноста на живеењето. Со таквото примање на нештата ја
апстрахираат и ја двојат филозофијата од реалниот живот.
Песимизмот владее во целиот свет, просветувањето за подобар
живот е негирано од многумина луѓе на светот. Пропаѓањето на
Интернационалата и на комунистичките земји го зголеми
неверувањето за подобро живеење. Најголемите верници во
светот од која било религија во својот разум животот го
разделуваат на реален и духовен. Етичката идеја дека среќата не
е во простиот живот на земјата, туку во остварувањето на
целосно единство со Бога, е релативизирање на општествениот
напредок.

За да се дојде до вистинскиот пат на општествениот развој
мораме да учиме и дејствуваме за да ја признаеме и создадеме
целината. Само со верба на човекот за целината луѓето можат да
се спасат од тешката положба.

„Доброто е постојано, злото е времено дејствие кај човекот, кое
ќе изумре во целината“.

64