Page 64 - ЦЕЛИНА

пратеник мора да поседува волја и разум за постигнување
подобро општество. Доброто секогаш мора да е постојано за
целината, да биде избирано и следено, злото треба да се
избегнува. Општото добро треба секој светски пратеник да го
нагласува, тој треба да е сериозен и да има голема љубов кон
човекот.

Светските пратеници треба да делуваат на целината да биде
спокојна и во ниеден миг луѓето да не се плашат за својата
иднина. Светскиот пратеник мора да има карактеристики на
мудрец за да се справи со денешните проблеми во целиот свет.

„За исполнување на човековите желби и копнежи, разумот
мора да ја увиди целината за да постапува соодветно“.

Во почетокот од создавањето или признавањето на целината
луѓето мора да имаат водачи или мудри луѓе кои ќе се жртвуваат
за општеството. Историски, ние имаме ваков сличен систем во
земји кои биле водени од мудри владетели. Светот памети
кралеви, лидери, научници кои се бореле за својот народ и
никогаш не ги интересирала личната корист, а нивното етичко
однесување било значајно.

Денес исто така да станеш верски водач прв услов е да немаш
фамилија (поп во католичката црква, владика во православната
црква...). Значи и денес имаме одрекување од лично
задоволство со цел да му служиш на народот.

Денешниот демократски политички систем дава можност да се
вметнат елементи од лоши форми на владеење. Демократијата
денес е во различни облици, поради голем број држави. Таквиот
резултат на поделеност создава и поделби на суштинските
општествени интереси. Придобивките од развиток на светот се
значајни за целината, но во суштина општествените придобивки
не се распределени подеднакво во целиот свет. Човекот е
благородно суштество, но врз него тежи притисок кој ја стега
неговата душа во борбата за материјалните добра.

62