Page 61 - ЦЕЛИНА

Во своето дело „Политика“ Аристотел се обидува да открие која
форма на државно уредување е најдобра. Тој ги дели
политичките режими според две начела - колкумина учествуваат
во власта и како таа постапува, со добрина или со лоши цели и
дејства, со насилство или со благонаклонето разбирање со
населението.

Според Аристотел, има шест вида на власт.

Добрите форми на власта се:

МОНАРХИЈА, кога владее еден и владее добро.

АРИСТОКРАТИЈА, кога со добро владее група на најдобри во
државата.

ДЕМОКРАТИЈА, кога власта што владее со добро се добива
според гласовите на мнозинството.

Лошите форми на власта се:

ТИРАНИЈА, кога владее еден (кој најчесто со сила ја земал власта)
и тоа насилнички.

ОЛИГАРХИЈА, кога владее група најбогати кои водат грижа само
за себе.

ОХЛОКРАТИЈА, кога владее џганот, односно мнозинството од
лоши луѓе (или нивни избрани), кои прават само зло.

Иако сметана за праведно уредување, демократијата кај
Аристотел котира на најниско рамниште меѓу трите претставници
на добрата форма на владеење. Ова негово мислење е
констатирано од многумина кои владееле во тоа време.

Кај Аристотел, како добра форма на владеење, монархијата стои
најдобро. Монархот наследува богатство и титула во државата,
негова основна работа е да го води својот народ кон подобар

59