Page 60 - ЦЕЛИНА

неспокојно.

Во практика терминот демократија би требало да
означува облик на владеење каде што сите државни одлуки се
спроведуваат директно или индиректно од страна на
мнозинството на граѓаните. Основа е праведен изборен процес.
Теоретски ова е целта на демократскиот систем, но
злоупотребите во практика се неизбежни, бидејќи настануваат
суштински промени во самото спроведување на власта.

Денешниот демократски систем, кој владее речиси во сите земји
на светот, има иста форма и име. Но, изборните закони во сите
држави се нееднакви и секогаш претрпуваат измени. Зошто не
постојат унифицирани закони кои би важеле за сите земји?
Одговорот на ова прашање е едноставен и логичен - затоа што
контролата на тоа кој ќе биде владетел е голема од страна на
луѓето кои владеат со светот. Законите даваат можност да се
вметнат правила кои се потребни во тие моменти.

Реториката во кампања на изборите е важна форма, но
содржината е запоставена, целта е единствена и позната, победа
на изборите.

Цел на општеството треба да е демократски систем кој би
создавал општа корист или општествена корист за сите луѓе на
светот. Демократски дијалектички реализам во целината е
единствен систем кој ќе донесе прогрес и развој на општеството.

Општествено признавање на секое нешто ќе создаде доверба
меѓу луѓето од целиот свет. Таа доверба ќе го воздигнува доброто
и ќе го отфрла злото. Таквиот пристап или систем на
организирано општество ќе донесе спокој и ќе создаде среќни
луѓе, кои ќе си ги зголемат мотивите и ќе добијат волја за
напредок на човекот.

Аристотел (роден во 384 година п.н.е.) уште многу одамна ги дал
основите на владеење на владетелите.

58