Page 13 - патека 1

ми беа најубавите години во мојот живот. Кафеаните околу
Пикадили ги познавав како мојот џеб.

И повторно, по не знам кој пат во животот, се
вратив дома. По краткиот престој дома, решив повторно да

одам по светот, да запознавам нови луѓе, да видам што
размислуваат другите....

Што се случува дома, како размислуват моите
другари и познаници, си знам сè на прсти...

Морав да видам нешто ново и решив да се вработам
на брод. Така станав морнар на товарен брод – „Бања

Лука“, долг 200 метри, кој беше изнајмен од СССР и
превезуваше житни производи од САД и Канада за СССР.
На Сицилија се качив на бродот и отидовме за САД

и Канада. Морнарскиот живот ми се допадна, луѓето кои

работеа на бродот беа супер. Тоа работно патување беше
исполнето со многу предизвици и добри моменти. Кога се
враќавме назад во Европа се закотвивме во пристаништето

на Ленинград (денешен Санкт Петербург) во поранешен

СССР. Во Ленинград останавме околу 45 дена.
Си поминав одлично. Се сеќавам дека еден ден
руската, тогаш комунистичка влада ни организираше

одење во циркус - за сите морнари. Секој морнар имаше
придружба, нормално од жена, а и ден-денес не ми е јасно

од каде произлезе толкавата грижа за нас.

12