Page 9 - патека 1

Јас сум роден на 6-ти Април 1959 година во Скопје,
град во коj е родена и Мајка Тереза. Моето детство беше

мирно, спокојно, среќно. Живеeв во зграда во која имаше
многу деца. Сите ние бевме среќни и радосни. Нашите

родители беа задоволни, скоро сите работеа. По враќање
од работа, секое попладне се одмараа еден-два часа.

По попладневниот одмор почнуваше дружбата на
сите комшии. Местото на дружење беше пред зградата, на

маалските клупи.
Луѓето беа лабави и меѓусебно блиски. Муабетите

секогаш беа интересни, полни со шеги и смеа, луѓето си ги
прераскажуваа своите згоди и незгоди, се дискутираше за
разни аспекти од (секојдневниот) живот.

Некогаш, некои и ќе влезеа и во жолчна дебата за

било што, но секогаш се наоѓаше некој што ќе каже
духовита досетка, па повторно сé ќе се завртеше на смеа.
И така тоа траеше со години. Едноставно спокоен живот.

Секое лето се одеше на скромен годишен одмор

затоа што се немаше доволно пари за егзотични патувања,
а ние тогаш и не знаевме што е тоа - егзотично патување...
Постоеше само одмор преку Синдикат, кој се плаќаше на

рати преку целата година.

8