Page 17 - патека 1

Ми остана во сеќавање, затоа што тој до неговата смрт
беше со истата униформа и со истата идеја.

Ниту тој, ниту светот, не најдоа решение за овој
проблем после толку години. И денес проблемот постои...

Прогрес нема, појасот Газа и Западниот брег се
нерешлив проблем, а двете страни имаат убиено многу

невини луѓе. Незадоволството останува и проблемот со
години... со децении не се решава.

Си се чудам.... и не можам да се начудам, како може
луѓето да бидат всушност толку сурови и тврдоглави во

решавањето на големите и долготрајните човечки
проблеми, во проблемите кои им ги наметнале некои
други.

Секој човек во моментот на своето раѓање, секое

бебе е искрено, чисто, наивно, мило и безгрешно. Се
сеќавам кога имав четири-пет години, бев многу среќен.
Љубовта кон мајка ми беше огромна, бескрајна. Средината

во која живеев беше идеално добра. Не чувствував и не се

сеќавам на некои посебно лоши моменти од моето детство.
Татко ми беше прекрасен родител кој се трудеше да
ми удоволи и да ми пренесе топлина и спокојство. Љубовта

кон моите, од моја страна беше голема. Со други зборови
сé беше идеално. Мојата постара, сега покојна сестра ја

сакав највеќе на светот.

16