Page 84 - патека 1

ВОЈНАТА - СРЕДСТВО ЗА ОСВОЈУВАЊЕ

ВЛАСТ И ПАРИ

Уште од самото создавање на човекот се јавила
потреба за егзистенција, потреба од храна. Неопходноста
од храна била отсекогаш приоритет заради преживување.
Ловот за храна се јавува како прв облк на планирано
дејствие со умисла, кое е предизвикано од потребите на
човекот.
Како што поминувало времето, ловните вештини се
зголемувале. При ловењето човекот се служел со орудија
кои со текот на времето се усовршувале. На почетокот
човекот живеел сам и така ловот бил поедноставен, затоа
што потребата за храна била мала.
Подоцна, човекот почнал да живее во семејства и
потребите за храна се зголемиле. Мажот се грижел за
храната, а жената за децата. Тоа е прв облик на поделба
на трудот.
Потребата од поголема сигурност и одбрана на
семејството ја раѓа потребата од поголемо здружување.
Првобитната заедница се јавува како прв облик на
здружување на луѓето.
Во понатамошниот период од развојот на човекот се
јавуваат војните како средство на заштита и проширување
на моќта на заедницата. Се прошируваат на поголеми
групи – племиња, со заеднички интереси (борби за
територии, ресурси - вода, храна...).

83