Page 82 - патека 1

Овде нема ништо утопистичко, затоа што и денес
имаме примери на големи држави во кои сé функционира
беспрекорно. Така, нема причина и целината да не се
надградува за подобра иднина.
Од јакнењето на целината никој не би имал штета.
Изреката која гласи: „Не може некому да му се раздени,
ако некому не му се стемни“, можеби во минатото била
точна, но за во идното време ова нема да е точно.
Спојување и зацврстување на целината е реален и
неминовен иден процес. Или ќе го фатиме овој пат или ќе
нé нема, ќе исчезнеме, ќе се самоуништиме (како во
Содома и Гомора).
Во суштина и религијата треба да го осознае
вистинскиот пат на општествениот развој и притоа да ја
открие иднината која ќе донесе искрени, вистински,
позитивни нешта.
Во ваква поставеност и однос, религиите треба да
помогнат за зближување на народите, каде целината ќе
добие уште еден сојузник за откривање на Вистината.
Помошта на религиите може да придонесе за
забрзување на општествениот развој. Притоа основната
платформа што е заеднички содржател за сите религии
(„Не кради!“; „Не убивај!“; „Помогни му на човекот!“), ќе се
имплементира и оствари во реалноста. Овие основни
платформи со кои и се создала религијата ќе се спроведат
на дело.
Значи религијата, како кочница за општествениот
развој, има можност да стане промотор за влегување на
правата патека. Религијата има можност да ја оствари
основната цел за своето создавање.

81