Page 79 - патека 1

Еднаквата едукацијата ќе даде резултати, луѓето ќе
разберат дека со зближувањето на народите никој нема да
изгуби, туку сите ќе добијат.
Тогаш ќе престане да постои основата за омраза, за
различноста. Тогаш човековата свест ќе може да се
дефокусира од борбата против различните од нас и да се
фокусира на повисоки цели. Стравот ќе биде победен од
љубовта и разумот ќе надвладее.
Времето во иднина ќе ги приближи луѓето, а
предусловот ова да се случи е приближување на
индивидуалното кон колективното. Дијалектичкиот
реализам со својата супер анализа ќе ги мобилизира сите
научни мисли кои ќе го одвојат позитивното од
негативното, доброто од лошото.
Кочница за општествениот развој е групирање на
луѓе со цел да постигнат личен интерес. Групирањето се
јавува во неколку форми - локална, државна,
меѓународна... и целта е секогаш иста - личен интерес на
целата група, но најчесто тоа е индивидуалниот интерес.
Има и моменти каде групата е изманипулирана од
поединци со цел за постигнување на личен интерес на
поединци од групата.
Личниот или индивидуалниот интерес се
задоволува, но се прави голема штета на другата страна.
Решение на овој проблем ќе се најде во времето кое е пред
нас.
Во иднината индивидуалниот интерес ќе доживее
еволуција, т.е. прогрес и колективниот интерес ќе дојде на
прво место. Целината ќе го преземе индивидуалниот
интерес со што колективниот интерес ќе добие поголемо
значење. Колективната среќа и радост ќе биде најважна.

78