Page 113 - патека 1

ЕКОНОМСКАТА КРИЗА ОД 2008 ДО
ДЕНЕС

Денешната Светска криза е производ на
целокупните општествени односи. Распределбата на
општествениот труд неминовно се распредели низ целиот
свет. Кина, Индија и другите слични на нив земји - со
голема популација на луѓе, ги преземаа текстилот и
другите мануфактурни производи. На почетокот на XXI век,
дури навлегоа и во малку пософстицираните видови на
производи (инструменти, мебел, покуќнина, бела техника,
санитарии, керамички плочки, врати, прозорци и др.).
Развиениот свет не можеше да ги следи, затоа што
еден работен час во САД чини околу десет долари, а во
Кина и Индија околу еден долар.
Западниот свет секогаш имал некој одбранбен
механизам со кој историски останувал на прво место како
развиен свет. Еве поминааа пет - шест години, западниот
свет се обидува да најде нов механизам, но сé уште не му
успева. (Денес е 16.07.2014 година.)
Европа и Северна Америка се обидуваат со мали
зафати и економски лекови да го покренат својот свет, но
не разбираат дека за да оздрават одредена економија
потребен е посложен хируршки зафат. Тој тип на
економски канцер, треба да се отстрани од телото
(општеството).

112