Page 114 - патека 1

Згора на овие проблеми, развиените земји поради
обезбедување на гласачкото тело за политички цели,
постојано ги зголемуваат бирократските работни места.
Втора грешка е печатењето на пари, со што опаѓа
вредноста на парите, недвижностите паѓаат итн.
Многу фабрики, железари во западниот свет се
затворија. Поевтино е да се купи производ од Кина, Индија
и Бразил, отколку тој да се произведе дома.
Трговијата не познава национализам, таа не
познава ништо друго, освен профит и умножување на
капиталот. Во трговијата нема емоции.
Ако влеземе во „Хоум депо“ во САД (продавница за
покуќнина, алати и градежни материјали), не знам дали
има 20% стока произведена во САД или Канада, сé е
увозно.
Западот, сега за сега, задржа некои од стратешките
производи - авиони, воена опрема, компјутери, ИТ
технологија, дел од автомобилската индустрија и
фармацевтската индустрија. Прашање е дали овие
производи ќе ги задржи и во иднина.
Во последно време Кина вложува во високо-стручни
кадри. Колкав е процентот на Кинези кои студираат во
западниот свет? - Голем.
Овие денови начув дека Русија, Кина, Индија,
Бразил... сакаат да најдат друга светска алтернатива за
платниот промет.
Не знам што се готви во светските кујни, но не дај
Боже да има такви луѓе кои би приготвиле нови војни.
Светот низ историјата имал индивидуалци кои направиле
големи белји и при тоа милиони невини луѓе настрадале.

113