Page 108 - патека 1

ЧОВЕКОВАТА ЛАГА

Лагата во својот зачеток била проста и едноставна,
а со текот на времето таа се усовршувала. Денес лагата се
јавува во многу облици. Имаме проста лага, лага со умисла
и план, принудна лага, лага долгогодишна и планирана,
софистицирана, мултинационална, корпоративна...
Најчесто човекот се служи со лага за лична корист.
Дури и кога имаме државна лага или групна лага во
суштина таа има корени на лична корист.
Во суштина лагата е лага, таа служи некого да
излаже и изманипулира, сé со цел лажгото или да се
здобие со лична корист или пак да се извлече од казна за
нешто лошо што го направил - криминал, прељуба,
убиство, заговор, преврат...
Лагата не е вродена и не е дел од генетскиот код.
Таа се стекнува. Затоа детето кога ќе се роди е многу
искрено. Со тек на време, кога ќе влезе во реалноста на
животот, тоа се обременува со лоши нешта, па така ја
осознава лагата.
Лагата не била многу третирана од науката. Науката
треба да се занимава со иднината, а со проучувањето на
иднината, лагата треба да заземе подетални анализи.
Има луѓе што се хронични лажговци, т.е. болни за
лажење, тие дури лажат и без потреба или само од
фалбаџиство. Има други лажговци што се толку болни,
така што лажат и сами си веруваат во лагата.
107