Page 115 - патека 1

Во ова време, со почеток на нова Светска војна,
секако би настанал крај за човештвото.
Значи, имаме проблем до проблем, но конечно
решение не се гледа.
Потребен е хируршки зафат за да се спаси
општеството. Човекот нема друг избор, освен да го
употреби дијалектичкиот реализам, кој со третирање
на проблемот ќе изнајде решение.
Еден од предусловите за да се почне со третирање
на овој проблем е да се едуцираат сопствените деца и
целокупната нација да се надмине расизмот и
национализмот. Кога има проблем од ваков тип, тоа е
многу чувствителен момент што раѓа непосакувани и
негативни емоции и чувства.
Замислете дека треба да фарбате еден ѕид. За
фарбањето на ѕидот потребни се четири килограми боја, а
Вие имате еден килограм бела, еден килограм жолта, еден
килограм црна и еден килограм црвена боја.
Како би го исфарбале ѕидот, на риги?
Нормално е дека треба да ги измешате сите четири
бои и ќе добиете секаде иста боја, со која ќе го офарбате
ѕидот. Важно е дека бојата на ѕидот ќе биде иста насекаде.
Значи целта ќе се постигне.
Овој пример го наведувам за да укажам на
потребата од зближување на сите држави на планетава
Земја, без разликата на бојата на кожата или нацијата.
Државите мораат своеволно да отпочнат со
ослободување на некои ингеренции кои треба да се
пренесат во ОН. Тогаш ќе започне фаза на транзиција и
постепено одумирање на државите, а зајакнување на
целината.

114